Gəncə. Azər Məmmədli - APA. Gəncədə oyuncaq tapança ilə mağazaya basqın edilib.
Gəncə şəhər Baş Polis İdarəsindən APA-nın qərb bürosuna verilən məlumata görə, hadisə martın 9-da Gəncə şəhərindəki Atatürk prospektində yerləşən mağazalardan birində baş verib. Naməlum şəxs mağazada satıcı işləyən Ulduz Rəhimovanı oyuncaq tapança ilə hədələyərək 350 manat pulu aparıb.
Polis əməkdaşlarının keçirdikləri əməliyyat-axtarış tədbirləri nəticəsində hadisəni törədən Samux rayon sakini Yadigar Eyvazov saxlanılıb və ondan quldurluqda istifadə etdiyi oyuncaq tapança götürülüb.
Faktla bağlı araşdırma aparılır.