Bakı. Fərahim Qasımov-APA. Bakının Nərimanov rayonunda "BMW" və "KİA" markalı avtomobillər toqquşub. APA-nın xəbərinə görə, qəza nəticəsində Azərbaycan Müəllimlər İnstitutunun qarşısında tıxac meydana gəlib. Dövlət Yol Polisi İdarəsinin Nərimanov Rayon Şöbəsindən APA-ya verilən məlumata görə, ilkin araşdırmalar nəticəsində qəzaya "BMW" markalı avtomobil sürücüsünün səbəb olduğu müəyyənləşdirilib. O işıqforun yaşıl işığında hərəkət edən "KİA"nı gözləməyib. Qəza nəticəsində sürücülər xəsarət almasa da, avtomobillərə ciddi ziyan dəyib.
Qeyd edək ki, toqquşan avtomobillər evakuator vasitəsi ilə hadisə yerindən uzaqlaşdırıldıqdan sonra yolda nəqliyyatın hərəkəti normallaşıb. Faktla bağlı Dövlət Yol Polisi İdarəsinin Nərimanov Rayon Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
