Hadisə

Ana səhifə

Hadisə

Bakıda baş verən zəncirvari yol qəzasında bir ailənin dörd üzvü xəsarət alıb

17 mart 2014 08:17 (UTC +04:00)

Xəzər Rayon Polis İdarəsindən APA-ya verilən məlumata görə, hadisə Türkan qəsəbəsində qeydə alınıb.

Bakı şəhər sakini, 1981-ci il təvəllüdlü Seymur Aydın oğlu Abbasovun idarə etdiyi 99-FX-940 dövlət nömrə nişanlı, “Mercedes” markalı avtomobillə Bakı şəhər sakini, 1970-ci il təvəllüdlü Xandayı Ağazaman oğlu Nuriyevin idarə etdiyi 10-LB-072 dövlət nömrə nişanlı, “VAZ 21-07” markalı avtomobili arxadan vurub.

X. Nuriyevin idarə etdiyi avtomobil əks istiqamətdə Bakı şəhər sakini, 1981-ci il təvəllüdlü Emin Ərəstun oğlu Nağıyevin idarə etdiyi 90-NU-700 dövlət nömrə nişanlı “Mercedes” markalı avtomobillə çırpılıb.

99-FX-940 dövlət nömrə nişanlı “Mercedes” markalı avtomobilin sürücüsü avtomobillə birlikdə hadisə yerindən qaçıb.

Qəza nəticəsində “VAZ 2107”-nin sürücüsü X. Nuriyev, həyat yoldaşı, 1984-cü il təvəllüdlü Səriyyə Nuriyeva, oğlanları 2005-ci il təvəllüdlü Muradxan və 2006-cı il təvəllüdlü Nicatxan ağır bədən xəsarətləri alaraq, 3 saylı Şəhər Klinik Xəstəxanaya yerləşdirilib.

yol_qəza