Ordu

Ana səhifə

Ordu

Eldar Sabiroğlu: “Yalanların istehsalı məsələsinə artıq Ermənistan prezidenti də qoşulub”

08 iyun 2012 09:02 (UTC +04:00)

APA-nın xəbərinə görə, bu fikirlər Müdafiə Nazirliyinin mətbuat xidmətinin rəisi, polkovnik Eldar Sabiroğlunun açıqlamasında qeyd olunub.

Açıqlamada bildirilib ki, Ermənistan rəhbərliyi cəbhədəki döyüşlərdən sonra vəziyyətdən çıxış yolu kimi, yalan və uydurma məlumatları genişləndirməyi özü üçün başlıca hədəfə çevirib: “Bunu ölkənin informasiya vasitələrində dərc olunan fasiləsiz dezinformasiyaların mahiyyətindən aydın görmək olar. Öncə qeyd etdiyimiz kimi, bu yalanların istehsalı məsələsinə artıq Ermənistan prezidenti Serj Sərkisyanın özü qoşulub, necə deyərlər, kampaniyanın başında özü dayanır. Həm öz xalqını, həm də beynəlxalq qurumları xəcalət hissi çəkmədən aldatmağa çalışır. Görünür, çarəsi yoxdur. Ona görə də bu cür utandırıcı işlərə əl atır. Ölkədəki bütün iqtisadi mexanizmlər, sosial münasibətlər alt-üst olub. NATO-nun Çikaqo Sammitində Azərbaycanın əldə etdiyi yüksək nəticə və Ermənistanın son hərbi uğursuzluqları ölkədə hansı vəziyyətin tüğyan etdiyini təsəvvür etməyə imkan yaradır. Serj Sərkisyanın işğalçı maskası, demək olar tamamilə yırtılıb. Onun tipajını səciyyələndirən başlıca amillər içərisində cinayətkar və uşaq qatili olduğu da xüsusilə diqqəti cəlb edir. Bütün bəşəriyyətə də onun bu siması məlumdur. Xocalı faciəsinin törədilməsində, körpə uşaqların, hamilə qadınların qətlə yetirilməsində bu cinayətkar prezidentin birbaşa rolu vardır. Ötən il mart ayının 8-də 9 yaşlı Fazil Bədəlovun qanı da Sərkisyanın üzərindədir. Bu uşaq əlində silah tutmamışdı, müharibənin də nə demək olduğunu tam anlamırdı. Küçədə oynadığı zaman erməni snayperindən açılan atəş nəticəsində həlak oldu. Onun və neçə-neçə belələrinin günahı nə idi? Serj Sərkisyan və ətrafı bu cür günahsız körpələrin ölümünün baiskarıdır. Vaxt heç də uzaqda deyil, uşaq qatilləri bütün bunların cavabını mütləq verəcəklər. İşğalçı Sərkisyan bunu qətiyyən unutmamalıdır. Onun humanizmdən, insanlıq hislərindən danışmağa haqqı yoxdur. Ancaq çox yüngül formada desəm, heç bir məsuliyyət hissi saxlamadan həm öz ictimaiyyətinə, həm də beynəlxalq təşkilatlara yalan məlumatlar sırımaqla məşğuldur. Guya ki, cəbhədə gərgin vəziyyətin günahını Azərbaycan tərəf daşıyır. Bunlar hamısı Ermənistanın siyasi və hərbi rəhbərliyinin öz cinayət əməllərini gizlətməkdən başqa bir şey deyil”.

Eldar Sabiroğlu