Xarici siyasət

Ana səhifə

Xarici siyasət

Azərbaycan prezidenti argentinalı həmkarına başsağlığı verib

24 fevral 2012 13:00 (UTC +04:00)

Bakı – APA. Azərbaycan dövlət başçısı İlham Əliyev Argentina prezidenti, xanım Kristina Fernandes de Kirşnerə başsağlığı məktubu göndərib. APA-nın məlumatına görə, məktubda deyilir: “Buenos-Ayres şəhərində baş vermiş dəmir yolu qəzası nəticəsində çoxlu sayda insanın həlak olması və xəsarət alması xəbəri məni son dərəcə kədərləndirdi.

Bu faciə ilə əlaqədar Sizə, həlak olanların ailələrinə və yaxın adamlarına, bütün Argentina xalqına şəxsən öz adımdan və Azərbaycan xalqı adından dərin hüznlə başsağlığı verir, yaralananların tezliklə sağalmasını arzulayıram”.

Qeyd edək ki, fevralın 22-də sərnişin qatarı dayanacaqda dəmiryolu xəttinin üzərindəki sədlə toqquşaraq, qəzaya uğrayıb. Qəza nəticəsində qatarda olan 1000-ə yaxın sərnişindən 50-ə yaxını ölüb, 600 nəfəri yaralanıb.

Azərbaycan_Argentina