Bakı. Aqşin Rafiqoğlu - APA-Economics. Rusiyalı məmurlar Peterburq beynəlxalq iqtisadi forumunda iştirak etmək üçün Sankt-Peterburqa səfər edəcək Avropa Komissiyasının prezidenti Jan-Klod Yunkerlə danışıqlar aparacaq.
"APA-Economics" "İnterfax" agentliyinə istinadən xəbər verir ki, bu barədə "Qazprom" şirkətinin Direktorlar Şurasının sədri Viktor Zubkov deyib.
O bildirib ki, danışıqlar zamanı Rusiya qazının Qara dəniz vasitəsilə Avropanın cənubuna çatdırılması müzakirə olunacaq: "Bizim prezidentimiz, hökumətimiz Avropa İttifaqı ilə dil tapmağa çalışır. Cənab Yunker Sankt-Peterburqda keçiriləcək forumda iştirak edəcək. O, ağıllı adamdır və anlamalıdır ki, Avropanın cənubunu qazlaşdırmaq üçün Cənub Qaz Dəhlizindən yaxşı variant yoxdur", - deyə V. Zubkov bildirib.