Bakı - APA-Economics. "Bank VTB (Azərbaycan)" ASC fəaliyyətinin bütün əsas istiqamətləri üzrə müsbət dinamika nümayiş etdirib.
Bankdan "APA-Economics"ə verilən məlumata görə, 1 sentyabr 2016-cı il tarixinə bankın aktivləri 443,6 mln. manat təşkil edib ki, bu da ötən ilin analoji dövrü ilə müqayisədə 17% çoxdur.
Kredit portfeli 9% artaraq 377,3 mln. manat təşkil edib. Kredit portfelinin əsas hissəsi - 60%-dən çoxu biznes-kreditlərinin payına düşüb. Kredit portfelinin belə strukturu bankın korporativ istiqamətin inkişaf etdirilməsi, kiçik və orta sahibkarlığa dəstəyin artırılması üzrə yeni strategiyasına uyğundur.
Hesabat dövrü ərzində bankın depozit portfeli üzrə 37% artım olub və bu, müştərilərin banka olan etibarının göstəricisidir.
Yaxın perspektivdə "Bank VTB (Azərbaycan)" yerli sahibkarlar üçün əsas tərəfdaş banka çevrilmək niyyətindədir. Bunun üçün bankın yeni komandası formalaşır, yeni xidmət paketi hazırlanır və faktorinq, dokumentar, hesablaşma-kassa əməliyyatlarının tətbiqi üzrə iş aparılır.
"Bank VTB (Azərbaycan)" ASC-nin məcmu kapitalı tənzimləyicinin minimal tələbinə tam cavab verir.
"Yaxın perspektivdə biz Rusiya ilə əlaqəli biznesi olan Azərbaycan sahibkarları üçün əsas tərəfdaş bank olmağı planlaşdırırıq. Bu məqsədlə biz iqtisadiyyatın real sektoru, istehsalat, kənd təsərrüfatı və Rusiyaya məhsulların ixracı kimi sahələri maliyyələşdirmək və inkişaf etdirmək niyyətindəyik", - deyə bankın İdarə Heyətinin sədri Yuri Yakovlev bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
