Bakı. Şəhriyar Əlizadə - APA. Azərbaycanda narkotik vasitə becərən şəxslər saxlanılıb.
APA-nın DİN-in saytına istinadən verdiyi məlumata görə, Şirvan ŞPŞ əməkdaşlarının həyata keçirdikləri əməliyyat-axtarış tədbirləri nəticəsində Hacıqəhrəmanlı qəsəbə sakini, əvvəllər məhkum olunmuş Eldar Şıxəliyevə məxsus həyətyanı sahədən kultivasiya yolu ilə yetişdirilmiş, ümumi çəkisi 10 kiloqram olan 20 ədəd çətənə kolu aşkarlanaraq götürülüb.
Beyləqan RPŞ əməkdaşlarının həyata keçirdikləri əməliyyat-axtarış tədbirləri nəticəsində Şərq qəsəbəsi ərazisində qəsəbə sakinləri Azad Azadov və Füzuli Əliyev tərəfindən kultivasiya yolu ilə yetişdirilmiş, ümumi çəkisi 31 kiloqram olan 22 ədəd çətənə kolu və 4 kiloqram marixuana aşkarlanıb.
Lənkəran ŞRPŞ əməkdaşlarının həyata keçirdikləri əməliyyat-axtarış tədbirləri nəticəsində Türkəncil kənd sakini Faiq Bayramova məxsus həyətyanı sahədən kultivasiya yolu ilə yetişdirilmiş 8 ədəd çətənə kolu və çətənə toxumları götürülüb.
Nərimanov rayon 18-ci Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində isə Bakı şəhər sakini, əvvəllər məhkum olunmuş Adil Günəşovdan 3 kiloqram 170 qram marixuana götürülüb.
Hər bir faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
