Tehran. Süleyman Fərzəliyev - APA. "İran Azərbaycana neft-kimya məhsullarını ixrac etmək məqsədi ilə yeni gəmi xəttinin açılmasında maraqlıdır və buna hazırdır". Bunu APA-nın Tehran bürosuna açıqlamasında İranın Milli neft-kimya kommersiya şirkətinin baş direktoru Mehdi Şərifi Niknəfs deyib.
"Azərbaycan və İran arasındakı ticarət əlaqələrinin gələcəkdə müsbət yöndə inkişaf edəcəyi gözlənilir. Azərbaycanlı istehsalçıların xərclərini azaltmaq məqsədi ilə İran Azərbaycana neft-kimya məhsullarını ixrac etmək üçün gəmi xəttini istifadəyə verməyə, hətta gəmi almağa da hazırdır", - deyə şirkət rəhbəri qeyd edib.
O deyib ki, İranın Milli neft-kimya kommersiya şirkəti Azərbaycanda öz nümayəndəliyini aça bilər: "Bununla, azərbaycanlı sahibkarlar və onların rəhbərlik etdiyi şirkətlər neft məhsullarına olan tələbatını bu ofis vasitəsi ilə təmin edə bilərlər. Bu, neft məhsullarını daha aşağı qiymətə əldə etməyə imkan verəcək".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
