Aqrar-sənaye kompleksi

Ana səhifə

“Azersun Holding” İmişlidə Şəkər Bayramı keçirib - FOTOSESSİYA

“Azersun Holding” İmişlidə Şəkər Bayramı keçirib - <span style="color: red;">FOTOSESSİYA

13 oktyabr 2014 14:17 (UTC +04:00)

Bakı - APA-Economics. Oktyabr ayının 12-də İmişli rayonunda İcra Hakimiyyəti və “Azersun Holding” rəhbərliyinin, millət vəkillərinin və sakinlərin iştirakı ilə Şəkər Bayramı qeyd edilib.

“Azersun Holding”dən “APA-Economics”ə verilən məlumata görə, İmişli rayonu İcra Hakimiyyətinin rəhbəri Vilyam Hacıyev İmişli Şəkər Zavodunun bu rayonun həyatında oynadığı müstəsna roldan danışıb. Onun sözlərinə görə, 2006-cı ildən fəaliyyət göstərən müəssisənin hesabına 3 mindən artıq İmişli sakini işlə təmin edilib, bu qədər də insan zavoda şəkər çuğunduru təhvil verərək gəlir əldə edir.

Bundan əlavə, məhz “Azersun Holding”ə məxsus bu şəkər zavodunun sayəsində İmişli rayonu özünü maliyyələşdirən rayona çevrilib. Rayonun maliyyəsinin 45%-i məhz bu zavodun ödədiyi vergi hesabına təmin edilir.

İcra hakimi həmçinin son zamanlar ölkəmizdə qeyri-neft sektorunun çox sürətlə inkişaf etdiyini söyləyib. O, İmişlidə son illərdə aparılmış abadlıq işləri barədə də məlumat verib.

“Azərsun Holdinq” şirkətlər qrupunun baş direktoru Savaş Uzan hər kəsi bayram münasibətilə təbrik edib. O, bu zavodun 2006-cı ildə cənab prezident İlham Əliyev tərəfindən açıldığını bildirib. S. Uzan həmçinin bu müəssisənin MDB məkanında ən böyük müəssisə olduğunu söyləyib və üzərində “Made in Azerbaijan” daşıyaraq digər ölkələrdə də Azərbaycanı layiqincə təmsil etdiyini söyləyib.

Sonra isə bayramın bədii hissəsi başlayıb və incəsənət xadimləri İmişli sakinləri qarşısında çıxış edərək tədbirə daha da rəng qatıblar. İmişli sakinlərinin böyük marağına səbəb olan konsert proqramı yekunlaşdıqdan isə tədbir İmişli Şəkər zavodunda davam edib. Zavodda rayonun icra hakimi, millət vəkilləri və zavod nümayəndələri çıxış edərək bu müəssisəsinin işə düşməsindən sonra İmişlidə və ətraf rayonlarda vətəndaşların sosial-rifah halının yaxşılaşdığını, işsizliyin aradan qaldırıldığını qeyd ediblər. Zavoda ən çox şəkər çuğunduru təhvil vermiş mülkiyyətçilər isə bu dəfə də diqqətdən kənarda qalmayıblar. Həmin gün, ən çox məhsul təhvil verən mülkiyyətçilərə ümumilikdə 20 ton şəkər tozu və qənd hədiyyə edilib.

Mükafatlandırma mərasimindən sonra 2014-cü ilin şəkər çuğunduru tədarükünə və ilk yük maşınlarının boşaldılmasına başlanılıb.