Bakı. Vüsal Nəbiyev - APA-Economics. Bu ilin II rübündə Rusiyadan kapital axını 20 mlrd. dollar təşkil edib.
"APA-Economics" "Reuters"ə istinadən xəbər verir ki, bu rəqəm Rusiya Mərkəzi Bankının açıqladığı statistikada öz əksini tapıb.
Bildirilir ki, ötən ilin II rübündə Rusiyadan kapital axının həcmi 21,9 mlrd. dollar olub.
Cari ilin I rübündə Rusiyadan kapital axını 32,5 mlrd. dollar təşkil edib. Bununla da, Rusiyadan kapital axınının həcmi I yarımillikdə 52,5 mlrd. dollara çatıb.