Şabran. Vəli Turan – APA. Bu gün Birinci Avropa Oyunlarının məşəli Şabran rayonuna gətirilib. APA-nın şimal bürosunun verdiyi məlumata görə, yarışın rəmzini şəhərinin girişində quraşdırılan Bakı-2015-in rəmzi qapısında əməkdar məşqçi Telman Bayramov qəbul edib.
Bundan sonra məşəl estafetinə start verilib. Yürüşə qoşulan 10 idmançı rəmzi 2,4 km məsafədə daşıyıb.
Sonuncu məşəlçi, əməkdar məşqçi Asif Abdullayev Heydər Əliyev prospektində quraşdırılan səhnəyə qalxaraq çırağı alovlandırıb. Ardınca şabranlı gənc Günel Zeynalova Avropa Oyunlarının çırağını yarışlar başa çatanadək saxlanılması üçün Heydər Əliyev Mərkəzinə təhvil verib.
Bununla da Şabran Birinci Avropa Oyunlarının məşəlinin alovlandırıldığı 57-ci yaşayış məntəqəsi olub.
İyunun 5-də isə Siyəzən rayonunda məşəlin qarşılanma mərasimi olacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
