Bakı. Aqşin Rafiqoğlu - APA-Economics. "SOCAR Turkey Energy" şirkəti "Petkim Petrokimya Holding A.Ş."-dəki səhm paketinin 13%-ini "Goldman Sachs International" şirkətinə satması Türkiyəyə iqtisadiyyatına olan etibarın göstəricidir".
“APA-Economics”in məlumatına görə, bunu CNBC telekanalına müsahibəsində “Petkim Petrokimya Holding A.Ş.”-nin rəhbəri Səlahəddin Korkut bildirib.
"Dünya nəhənglərindən biri ötən həftə Türkiyə iqtisadiyyatına 1,3 milyard dollar həcmində yatırım edib. Bu, həm Türkiyəyə, həm də SOCAR-ın Türkiyədəki yatırımlarına olan etibarın çox önəmli göstəricisi kimi qiymətləndirilməlidir. Düşünürəm ki, yeni ortağımız işimizə çox böyük təkan verəcək", - deyə S. Korkut qeyd edib.
Qeyd edək ki, "SOCAR Turkey Energy" şirkəti "Petkim Holding"dəki səhm paketinin 13%-ni satıb. "SOCAR Turkey Energy"nin rəhbəri Kənan Yavuzun sözlərinə görə, əqdin dəyəri 1,3 mlrd. ABŞ dolları təşkil edib. "SOCAR Turkey Energy"nin səhmlərinin 13%-i "Goldman Sachs International" investisiya şirkətinə satılıb. Adıçəkilən şirkət ABŞ-ın "Goldman Sachs" və "JP Morgan" bankları tərəfindən yaradılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
