Bakı. Şəhriyar Əlizadə - APA. Rusiyada axtarışda olan şəxs həbs edilib.
APA-nın DİN-nin saytına istinadən verdiyi məlumata görə, Rusiya Federasiyası Cinayət Məcəlləsinin 105-ci maddəsi (qəsdən adam öldürmə) ilə axtarışda olan Müqabil Abbassoylu Azərbaycan Respublikası Prezidenti Yanında Vətəndaşlara Xidmət və Sosial İnnovasiyalar üzrə Dövlət Agentliyində (ASAN) orada xidmətdə olan polis əməkdaşları tərəfindən saxlanılıb. Həmin şəxs Nərimanov rayon Polis İdarəsinə təhvil verilib.