Bakı-APA. Aİ Yunanıstana bazar ertəsinədək 7,16 mlrd avro məbləğində maliyyə yardımı ayıracaq. APA-nın “RİA Novosti”yə istinadən verdiyi xəbərə görə, bu barədə Avropa Komissiyasının vahid Avropa valyutası üzrə vitse-prezidenti Valdis Dombrovskis bildirib.
“Bizim əlimizdə Yunanıstanın ilkin maliyyələşdirilməsi üçün EFSM kreditinə əsaslanan razılaşma var. Bu razılaşma Aİ-nin 28 üzv ölkələri tərəfindən dəstəklənib və Yunanıstanı təcili defoltdan xilas edir. Bu o deməkdir ki, Yunanıstan bazar ertəsinədək 7,16 mlrd avro əldə edəcək”, deyə o qeyd edib.
Bundan başqa Yunanıstan banklarının iyulun 20-dən etibarən fəaliyyətinin bərpa olunacağı bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
