Bakı. Aqşin Rafiqoğlu - APA-Economics. SOCAR tərəfindən bu ilin oktyabr ayında Novorossiysk limanından xam neftin ixracı baş tutmayıb.
“APA-Economics”ə istinadən verdiyi məlumata görə, 2014-cü ilin eyni ayında isə Novorossiysk limanından 84 min 769 ton xam neft ötürülüb.
Ümumilikdə, bu ilin yanvar-oktyabr ayları ərzində Novorossiysk limanından 1 mln. 100 min 446 ton xam neft ixrac edilib. Bu, ötən ilin on ayı ilə müqayisədə 29,87% çoxdur.
SOCAR tərəfindən ixrac olunmuş xam neftin göstəriciləri həm Azərbaycan dövlətinə, həm də şirkətin özünə məxsus xam neft həcmlərini əks etdirir.