Bakı. Şəhriyar Əlizadə - APA. Bu gün Bakı Ağır Cinayətlər Məhkəməsində 3 nəfərin ölümü ilə nəticələnən yol qəzası törətməkdə təqsirləndirilən Pərviz Heydərovun cinayət işi məhkəmə prosesi başa çatıb.
APA-nın məlumatına görə, prosesdə hökm oxunub. Hökmə əsasən, P. Heydərov 8 il müddətinə azadlıqdan məhrum edilib.
Qeyd edək ki, Hövsan-Zığ yolunda Pərviz Heydərov idarə etdiyi “İSUZU” markalı maşınla 25 yaşlı Pünhan Ağayevin idarə etdiyi “VAZ 2106” markalı maşın toqquşub. Nəticədə Pünhan Ağayev və maşınında olan sərnişinlər - 13 yaşlı Şahnaz Əhmədova və 10 yaşlı Elmar Əhmədov ölüb.
Uşaqların anası, 36 yaşlı Könül Əhmədova və “İSUZU” markalı avtomobilin sürücüsü Pərviz Heydərov isə müxtəlif bədən xəsarətləri alıblar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
