Maliyyələşmə mənbəyi müəyyən edildikdən sonra SOCAR-ın "Azəriqaz" İstehsalat Birliyi qazpaylama xətlərinin çəkilməsi üçün təchizatçının seçilməsinə və tikinti işlərinin gedişatının izlənilməsinə imkan verən meyarları əhatə edən tenderlər elan edəcək. "APA-Economics" xəbər verir ki, bu, Azərbaycanda kommunal xidmətlərin (elektrik və istilik enerjisi, su və qaz) inkişafına dair Strateji Yol Xəritəsində nəzərdə tutulub.
Sənəddə vurğulanır ki, Əmlak Məsələləri Dövlət Komitəsi SOCAR ilə birgə bəzi regionlarda qazpaylama fəaliyyətinin özəlləşdirilməsi məqsədilə xarici investorların cəlb edilməsini mümkün maliyyələşdirmə variantlarından biri kimi nəzərdən keçirəcək.