Nəqliyyat, Rabitə və Yüksək Texnologiyalar Nazirliyi “Azərpoçt” MMC-nin emissiya etdiyi əməkhaqqı kartlarında “sms xəbərdarlıq” xidməti müştərilərə pulsuz təklif olunur.
Nazirlikdən “APA-Economics”ə verilən məlumata görə, “Azərpoçt” MMC-nin emissiya etdiyi əməkhaqqı kartlarının sahibləri artıq aparılan bütün əməliyyatlardan qısa zamanda xəbər tutacaqlar. Belə ki, kart sahibləri aparılan bütün əməliyyatlar - kart hesabı üzrə mədaxil və məxaric əməliyyatları, hesabın qalığı haqqında dərhal xəbərdarlıq SMS-i alacaqlar.
Əməkhaqqı kartının sahibi “Azərpoçt” MMC-yə məxsus istənilən ATM-ə yaxınlaşaraq, xidmətlər bölməsindən “sms xəbərdarlıq” xidmətini aktivləşdirə bilər.
Qeyd edək ki, “Azərpoçt” MMC-nin emissiya etdiyi əməkhaqqı kart sahiblərinin bu günə olan sayı 22 min 305 nəfərdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
