Amerika

Ana səhifə

Amerika

Meksika körfəzində neft axıntısı ekoloji balansı məhv edə bilər

27 iyun 2010 00:44 (UTC +04:00)

Bakı-APA. Alimlər xəbərdarlıq edib ki, Meksika körfəzində neft ləkəsinin yaranması ətraf mühitə ciddi mənfi təsir göstərə bilər.
APA-nın bbc.com saytına istinadən verdiyi xəbərə görə, alimlərin fikrincə, ekoloji qəzanın fəsadları nəticəsində sahilyanı bataqlıqlar zonası məhv ola bilər. Bu zona bölgəni qasırğalardan qoruyur.
Bataqlıqlar Missisipi çayından bu sahələrə çökən lil kütləsi ilə yaradılıb.
Əmələ gələn münbit torpağın üstünü müxtəlif və çoxsaylı bitki örtüyü alır ki, bitkilərin ətrafa yayılan kökləri bataqlığın yaranmasında əsas rol oynayır.
Hazırda çayın daşmasının qarşısının alınması üçün çoxsaylı sipərlər yaradılıb.
Nəticədə lilin çökməsi prosesi xeyli zəifləyib. Bataqlığın eroziyası başlayıb. Bataqlıq zonası ildə 65 kvadrat km sahə həcmində azalmağa başlayıb.
Bu isə hər yarım saatda bir futbol meydançasının itirilməsinə bərabərdir. Neft ləkəsi bu prosesi daha da sürətləndirə bilər.
Nəticədə sahil xətti qasırğalar qarşısında müdafiəsiz qalır. Çünki Nyu Orlean kimi əhalinin sıx yaşadığı ərazilərə çatana kimi, qasırğanın gücü və sürəti məhz bataqlıq ərazilər üzərində zəifləyir.