Masallı. Ağəddin Babayev – APA. Masallı rayonunda keçmiş məhkumun həyətyanı sahəsindən narkotik tərkibli bitki aşkarlanıb. Bu barədə APA-nın cənub bürosuna Masallı Rayon Polis Şöbəsindən (RPŞ) məlumat verilib. Məlumata görə, polis əməkdaşları keçmiş məhkum, rayonun Köçəkli kənd sakini, 45 yaşlı İntiqam Teyyub oğlu Axundova məxsus həyətyanı torpaq sahəsinə baxış keçiriblər. Baxış zamanı həyətdə aqrotexniki qaydada qulluq göstərilməklə becərilmiş 30 ədəd narkotik xassəsli bitki hesab olunan çətənə kolları aşkar edilib. Polis tərəfindən həmin kollar müsadirə olunaraq maddi sübut kimi götürülüb.
Faktla bağlı Masallı RPŞ-də cinayət işi açılıb, araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
