APA-nın “Hürriyet” qəzetinə istinadən verdiyi məlumata görə, erməni əsilli müşavirin qondarma “erməni soyqırımı” ilə bağlı fikir səsləndirdiyi vaxt rəsmən baş nazirin baş müşaviri vəzifəsində olmadığı üzə çıxıb. 1950-ci il martın 9-da anadan olan Etyen Mahçupyanın bu il martın 9-da 65 yaşı tamam olub. “Həmin gün gələndə yaşla əlaqədar avtomatik olaraq sistemdən kənarlaşdırılırıq. 2-3 gün sonra adımız işçilər siyahısından çıxarılır. Hazırda vəzifəmi fəxri olaraq davam etdirirəm. İndi ölkə xaricindəyəm və buradan fəaliyyət göstərirəm. Yalnız bir dəyişiklik var, o da maaş almamağımdır”, - deyə E.Mahçupyan bildirib.
Qeyd edək ki, Əhməd Davudoğlu baş nazir olduqdan sonra baş müşavir vəzifəsinə təyin etdiyi Etyen Mahçupyan son vaxtlar verdiyi bəyanatlarla gündəmdədir. O, 1915-ci ildə ermənilərə qarşı edilən hərəkətlərə soyqırımı deməməyin mümkünsüz olduğu bəyanatını verib. Ölkə başçısı Rəcəb Tayyip Ərdoğan və baş nazir Əhməd Davudoğlunun və digər dövlət rəsmilərinin 1915-ci il hadisələri ilə bağlı müxtəlif ölkələrin münasibətinə sərt reaksiya verdiyi bir vaxtda baş müşavirin bu açıqlaması diqqət çəkib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
