Bakı-APA. Nigeriyada “Boko Haram” radikal dini qruplaşmasının üzvlərinin törətdiyi hücum nəticəsində 11 nəfər ölüb. APA-nın “BBC”-yə istinadən verdiyi xəbərə görə, bu barədə yerli rəsmi qurumlar açıqlama verib.
Lakin yerli sakinlərin sözlərinə görə, hücum nəticəsində 40-dan çox insan qətlə yetirilib.
Qeyd edək ki, ekstremistlərin daha çox hücumlarına məruz qalan Borno ştatının əhalisi kütləvi şəkildə evlərini tərk edərək qonşu ştatlara üz tutur. Məlumata görə, ştat əhalisinin 4/3 hissəsi artıq məcburi köçkün olub.
Xatırladaq ki, martın 2-də terrorçuların Marfa şəhərinə hücumu nəticəsində 30-dək insan həlak olub, bundan bir gün əvvəl isə Mayduquri şəhərində törədilmiş partlayışlar 90-dək insanın həyatına son qoyub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
