Bakı-APA. Gəncədə yanğın hadisəsi qeydə alınıb.
APA-nın Fövqəladə Hallar Nazirliyinin (FHN) saytına istinadən verdiyi xəbərə görə, Gəncə şəhəri, Nizami rayonunda vətəndaşa məxsus ümumi sahəsi 150 m² olan kürsülü 5 otaqlı yaşayış evinin dam örtüyünün yanar konstruksiyaları 20 m² sahədə yanıb və yüksək temperaturdan evin plastikdən ibarət qapısı qismən əriyib.
Yanğından evin qalan hissəsi və qonşu evlər mühafizə olunub. Yanğın saat 00:59-da yanğınsöndürənlər tərəfindən söndürülüb.