İraqın paytaxtı Bağdadda ardıcıl törədilən iki partlayış nəticəsində ölənlərin sayı 11-ə çatıb, 20 nəfər yaralanıb.
APA-nın Reuters agentliyinə istinadən verdiyi xəbərə görə, ölənlərdən 4-ü polis zabitləridir.
Terror aktlarına görə məsuliyyəti hələlik heç bir qruplaşma öz üzərinə götürməyib.
***
00:25
İraqın paytaxtı Bağdadda bir-birinin ardınca iki partlayış baş verib.
APA-nın TASS agentliyinə istinadən verdiyi xəbərə görə, terror aktları şəhərin cənub bölgəsində qeydə alınıb.
Əvvəl polis, daha sonra isə nəzarət-keçid məntəqəsi qarşısında minalanmış avtomobillərin partladılması nəticəsində bir nəfər ölüb, beşi yaralanıb.
Bundan əvvəl İraqın cənubunda minalanmış avtomobilin partladılması nəticəsində 7 nəfər ölüb, 15 nəfər yaralanıb. Terror aktlarına görə məsuliyyəti hələlik heç bir qruplaşma öz üzərinə götürməyib.