Bakı-APA. Liviya sahillərində tapılan miqrant meyitlərinin sayı 87-yə çatıb.
APA-nın “Əl-Cəzirə” telakanalına istinadən verdiyi məlumata görə, bundan əvvəl 41 mühacirin meyitinin tapıldığına dair məlumat verilirdi.
Ötən gün Liviyanın Sabrat şəhəri yaxınlığında, çimərlikdə Avropaya keçmək istəyən miqrantların meyiti aşkarlanmışdı. Onların 5-6 gün əvvəl suda boğularaq öldüyü ehtimal edilir.
Bildirilir ki, tapılan şəxslərin kimliyini müəyyənləşdirmək üçün DNT analiz götürüləcək.
Beynəlxalq Miqrasiya Təşkilatının hesablamalarına əsasən, yanvarın 1 –dən iyulun 6-dək Avropaya dəniz vasitəsilə 230 885 qaçqın daxil olub, 2 920-si isə yolda ölüb və yaxud itkin düşüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
