Bakı. Fərid Mirzəyev - APA. “Artıq dünəndən etibarən Qurban bayramı ərəfəsində heyvanların qəbulu, onların saxlanması və kəsimi zamanı baytarlıq-sanitariya qaydalarına ciddi əməl olunması məqsədilə Dövlət Baytarlıq Nəzarəti Xidmətinin (DBNX) mütəxəssisləri Bakı şəhərinin ayrı-ayrı rayonlarına və respublikanın müxtəlif rayonlarında heyvanların kütləvi halda kəsildikləri ərazilərə təhkim olunublar”.
Bunu APA-ya Kənd Təsərrüfatı Nazirliyi yanında DBNX-nin mətbuat xidmətinin rəhbəri Yolçu Xanvəli məlumat verib.
Y. Xanvəli bildirib ki, rayon baytarlıq idarələrinə baytarlıq-sanitariya tələblərinə cavab verməyən, ticarət üçün xüsusi ayrılmamış yerlərdə heyvanların kəsiminin qarşısının alınması tapşırılıb: “Eyni zamanda müayinələr baytarlıq-sanitariya tələblərinə uyğun aparılmalıdır. Qeyd edim ki, Qurban bayramı günlərində kəsiləcək heyvanların müayinəsi pulsuz həyata keçiriləcək”.
Qeyd edək ki, Azərbaycanda Qurban bayramı sentyabrın 24-25-də qeyd olunacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
