Bakı. Fərid Mirzəyev – APA. “Satışda olan dərman vasitələrinin bəzilərində təlimatın (içlik vərəqələrinin) Azərbaycan dilində olmaması preparatı istehsal edən zavodun, idxalçı şirkətin səhlənkarlığı üzündən baş verir və yaxud da dərman vasitəsi icazə olmadan naməlum yollarla ölkəyə idxal olunur”.
Bunu APA-nın sorğusuna cavab olaraq Səhiyyə Nazirliyinin mətbuat xidmətindən bildiriblər. Qeyd olunub ki, dərman vasitələri Səhiyyə Nazirliyi Analitik Ekspertiza Mərkəzi tərəfindən dövlət qeydiyyatına alındıqdan sonra Azərbaycan Respublikasının dərman vasitələrinin reyestrinə daxil edilir və onların Azərbaycana idxalına, satışına, tibdə istifadəsinə icazə verilir: “Qeydiyyata alınan zaman müvafiq olaraq dərman vasitəsinin istifadəsinə aid təlimat (içlik vərəqəsi) Səhiyyə Nazirliyinin Farmakoloji və Farmakopeya Ekspert şurası tərəfindən təsdiqlənir. Ölkəyə idxal olunan zaman hər dəfə dərman vasitələrindən müvafiq laborator yoxlamalarının aparılması üçün nümunələr götürülür və bu zaman içlik vərəqələri də Mərkəzin müfəttişləri tərəfindən yoxlanılır”.
Nazirlikdən bildirilib ki, Nazirlər Kabinetinin 13 iyul 2007-ci il 108 nömrəli (Əlavə10.1) qərarına əsaslanaraq Azərbaycan Respublikasına idxal olunan dərman vasitələrinin istifadəsinə aid təlimatın (içlik vərəqəsi) mətni Azərbaycan dilində və istehlakçı üçün aydın şəkildə tərtib olunmalıdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
