Bakı. Şəhriyar Əlizadə - APA. Sumqayıtda qətl törədib hadisə yerindən qaçan şəxs saxlanılıb.
APA-nın DİN-in saytına istinadən verdiyi məlumata görə, polis və prokurorluq orqanları əməkdaşlarının həyata keçirdikləri tədbirlərlə yanvarın 22-də Sumqayıt şəhər sakini Səbinə Salayevanı bıçaqla qətlə yetirib hadisə yerini tərk etmiş Cəfər Ağayev tutulub.
Faktla bağlı araşdırma aparılır.
Qeyd edək ki, Sumqayıt şəhərinin Corat qəsəbəsində yaşayan 24 yaşlı Səbinə Salayeva yanvarın 22-də evində qətlə yetirilib.
Sonradan onun Bakı şəhər sakini, tanışı, əvvəllər məhkum olunmuş Cəfər Ağayev tərəfindən münaqişə zəminində öldürüldüyü məlum olub.
Ona bıçaqla çoxsaylı xəsarətlər yetirən C. Ağayeva hadisə yerini tərk edib.
S. Salayeva hadisə yerində ölüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
