Bakı. Musa Əhmədov – APA-Economics. Xırdalan şəhərinin su təchizatı və kanalizasiya sistemləri yenidən qurulacaq.
Bu barədə “APA-Economics”ə “Azərsu” ASC-nin ictimaiyyətlə əlaqələr şöbəsindən məlumat verilib.
Məlumata əsasən, artıq layihə üzrə tender elan olunub və yaxın vaxtlarda tikinti-quraşdırma işlərinə başlanacaq.
Qeyd edək ki, yenidənqurma işləri Azərbaycan hökuməti və Səudiyyə İnkişaf Fondunun birgə layihəsi çərçivəsində həyata keçiriləcək.