Bakı-APA. ABŞ-ın Kolorado ştatında “Black Hawk” hərbi helikopteri qəzaya uğrayıb.
APA-nın RİA Novosti agentliyinə istinadən verdiyi məlumata görə, Fort-Karson hərbi bazasından havaya qalxan helikopter Duqlas dairəsində meşəlik ərazidə yerə düşüb.
PzFeed portalı xəbər verir ki, helikopterin göyərtəsində olan 4 nəfərdən 3-ü xəsarət alıb. Rəsmi mənbələr bu məlumatı hələ ki, təsdiq etməyib.
Polis hadisə yerinə təcili yardım helikopterinin göndərildiyini bildirib.