"Azərbaycan Dəmir Yolları" Qapalı Səhmdar Cəmiyyəti (QSC) Bakıda uçqun baş verən dəmiryolu körpüsü ilə bağlı yayılan xəbərlərə münasibət bildirib.
QSC-nin ictimaiyyətlə əlaqələr şöbəsinin rəisi Sevinc Qədirova APA-ya açıqlamasında bildirib ki, fevralın 22-də beton qarışdıran maşının sözügedən körpüyə çırpılması nəticəsində körpü qəzalı vəziyyətə düşüb: “Bu gündən körpüdə əsaslı təmir işlərinə başlanıb, bununla əlaqədar həmin ərazidə nəqliyyatın hərəkətinə məhdudiyyət qoyulub”.
***
saat 12.05
Bakıda dəmiryolu körpüsü uçub.
APA-nın məlumatına görə, hadisə paytaxtın Mehdi Mehdizadə küçəsində qeydə alınıb.
Əraziyə Fövqəladə Hallar Nazirliyinin qüvvələri cəlb edilib.