“Rusiya və "Taliban" hərəkatının maraqları ancaq İŞİD-lə mübarizə məsələsində kəsişir”.
APA-nın Moskva müxbirinin verdiyi məlumata görə, bunu Rusiya Xarici İşlər Nazirliyinin (XİN) ikinci Asiya Departamentinin direktor müavini Dmitri Kabayev deyib.
Onun sözlərinə görə, Rusiya və “Taliban”ın məqsədləri üst-üstə düşmür.
“Rusiya heç vaxt taliblərin, "Taliban" hərəkatının müdafiəçisi kimi çıxış etməyib. Bizim məqsədlərimiz üst-üstə düşmür. “Taliban”ın başqa məqsədləri var. Maraqlarımız ancaq bir nöqtədə, öz qeyri-insani qanunlarını bütün dünyaya yaymaq istəyən İŞİD-ə qarşı mübarizədə kəsişir. "Taliban" hərəkatı öz ərazisində İŞİD-ə qarşı mübarizə aparır”, - deyə rusiyalı diplomat Rusiya-Əfqanıstan Gənclər Forumunun bağlanış mərasimində vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
