Bu ilin sentyabr ayında SOCAR tərəfindən Novorossiysk limanından 169 min 675 ton xam neft ixrac edilib ki, bu da ötən ilin sentyabr ayı ilə müqayisədə 0,23% çoxdur.
“APA-Economics”in SOCAR-a istinadən verdiyi məlumata görə, avqust ayı ilə müqayisədə 33,29% azdır.
Ümumilikdə, bu ilin yanvar-sentyabr ayları ərzində Novorossiysk limanından 1 mln. 157 min 704 ton xam neft ixrac edilib ki, bu da ötən ilin 9 ayı ilə müqayisədə 28,91% çoxdur.
SOCAR tərəfindən ixrac olunmuş xam neftin göstəriciləri həm Azərbaycan dövlətinə, həm də şirkətin özünə məxsus xam neft həcmlərini əks etdirir.