2016-cı ilin III rübündə "Pakistan Milli Bankı Bakı filialı"nın aktivlərinin həcmi 537,114 mln. manat təşkil edib ki, bu da III rüblə müqayisədə 0,37% azdır.
Bankdan "APA-Economics"ə verilən məlumata görə, hesabat dövründə bankın kredit portfeli 13,5% azalaraq 1,831 mln. manat olub.
Bu ilin yanvar-sentyabr aylarında bankın depozit portfeli 579,850 min manat təşkil edib ki, bu da II rüblə müqayisədə 0,3% çoxdur. Bankın öhdəlikləri isə 0,6% artaraq 857,530 min manata bərabər olub.
Hesabat dövründə məcmu kapitalı 0,55% azalaraq 10,301 mln. manat, nizamnamə kapitalı isə 9 mln. 420 min manat təşkil edib.
Bankın gəlirləri 417,670 min manata, xərclər isə 555,040 min manata bərabər olub.
Bank bu ilin 9 ayını 75,66 min manat mənfəətlə başa vurub.