Hadisə

Ana səhifə

Hadisə

Məhkum oğlu ilə görüşə gələn qadında mobil telefon aşkarlanıb

07 mart 2018 06:15 (UTC +04:00)

Penitensiar xidmətin əməliyyat aparatının həyata keçirdiyi əməliyyat-axtarış tədbirləri nəticəsində Bakı İstintaq təcridxanasına mobil telefon keçirilməsi cəhdinin qarşısı alınıb.

Xidmətin ictimaiyyətlə əlaqələr şöbəsindən APA-ya bildirilib ki, Cinayət Məcəlləsinin 177.2.2 və 177.2.3-cü maddələrinə əsasən təqsirli bilinərək həbs edilmiş şəxs İsayev Elmi Əmin oğlunun yanına qısamüddətli görüşə gəlmiş anası, Quba rayon sakini İsayeva Qəribə Nazrənməd qızının üzərinə və əşyalarına baxış keçirilərkən pul qabının içində gizlətdiyi, daxilində danışıq kartı olmayan bir ədəd “İPhone” markalı mobil telefon aparatı aşkarlanıb.

Qeyd olunan faktla bağlı araşdırma aparılır.