Rusiya Federasiyasının İnquşetiya Respublikası ərazisində terror aktı törədilib.
APA-nın “RİA Novosti”yə istinadən verdiyi məlumata görə, aprelin 8-nə keçən gecə naməlum şəxslər Malqobek şəhərində polis avtomobilini avtomat silahdan atəşə tutublar. Nəticədə 2 polis əməkdaşı ölüb.
İlkin məlumata əsasən hücumda azı 2 nəfər iştirak edib. Fakt üzrə cinayət işi qaldırılıb, terrorçuların yaxalanması üçün əməliyyat-axtarış tədbirləri həyata keçirilir.