Sənaye və energetika

Ana səhifə

Azərbaycan Dövlət Neft Şirkətinin Tullantıların idarə olunması Mərkəzinin yenidən qurulması üzrə keçirilən tenderdə ABŞ şirkəti qalib gəlib

01 mart 2010 08:06 (UTC +04:00)

Bakı. Rəşad Süleymanov – APA-Economics. Azərbaycan Dövlət Neft Şirkətinin (ARDNŞ) Tullantıların idarə olunması Mərkəzinin yenidən qurulması ilə əlaqədar keçirilən tenderin qalibi elan edilib. Bu barədə «APA-Economics»ə ARDNŞ-in Ekologiya İdarəsindən məlumat verilib.

Tətbiq olunan kriteriyalara uyğun gələn və qazma şlamının utilizasiya texnologiyalarının dünyanın müxtəlif ölkələrində yerinə yetirildiyini nəzərə alaraq layihənin qalibi ABŞ-ın «MI SWACO» şirkəti elan olunub.

Şirkət tətbiq olunmuş formula üzrə təyin olunmuş kriteriyalara görə texniki-iqtisadi əsaslandırmanı işləyib hazırlayacaq.

Qeyd edək ki, ABŞ-ın Ticarət və İnkişaf Agentliyi ilə ARDNŞ arasında 13 avqust 2009-cu il tarixdə imzalanmış qrant sazişinə uyğun olaraq ARDNŞ-nin Ekologiya İdarəsinin Tullantı Mərkəzinin yenidən qurulması layihəsi üzrə texniki iqtisadi əsaslandırmanın hazırlanması məqsədilə müvafiq podratçının seçilməsi üçün ARDNŞ tərəfindən tender elan edilib. Tenderdə iştirak etmək üçün ABŞ-ın 8 təşkilatından təklif gəbul olunub.