Sənaye və energetika

Ana səhifə

Tiflisdə yanacaqla dolu vaqonların aşması nəticəsində ARDNŞ-in Gürcüstan nümayəndəliyinə məxsus 180 ton dizel yanacaq yerə dağılıb - FOTO

Tiflisdə yanacaqla dolu vaqonların aşması nəticəsində ARDNŞ-in Gürcüstan nümayəndəliyinə məxsus 180 ton dizel yanacaq yerə dağılıb - <font color=red>FOTO</font>

03 aprel 2010 16:26 (UTC +04:00)

Tiflis. Nizami Məmmədzadə-APA. Tiflisdə aprelin 2-də yanacaqla dolu vaqonların aşması nəticəsində Azərbaycan Respublikası Dövlət Neft Şirkətinin (ARDNŞ) Gürcüstan nümayəndəliyinə məxsus 180 ton dizel yanacağı yerə dağılıb.
Bu barədə APA-nın yerli bürosuna ARDNŞ-in Gürcüstandakı nümayəndəliyinin əməkdaşı Rövşən Məmmədov bildirib: ”Bizə dəyən ziyanı Gürcüstan dəmiryolu ödəməlidir. Hadisənin səbəbi dəmiryolunun pis vəziyyətdə olmasıdır. Dəmiryol rəhbərliyi yolun nasaz olduğunu etiraf edib. Ümid edirik ki, Gürcüstan Dəmiryolu bizə dəyən ziyanı ödəyəcək”.

APA-nın Gürcüstan bürosunun xəbərinə görə, hadisə yerində dəmiryolu relslərinin bərpası işləri aparılır, qəzanın baş vermə səbəbləri araşdırılır. Məlumata görə, dünən Azərbaycan Dəmiryolunun Gəncə deposunun rəisi hadisə yerində olub, hadisə yerinə baxış keçirilib.

Gürcüstan Dəmiryolunun yük daşınması üzrə direktor müavini David Qelaşvili APA-ya bildirib ki, aprelin 6-da Azərbaycan və Gürcüstan dəmiryolu tərəflərinin birgə iştirakı ilə hadisə ilə əlaqədar komissiya yaradılacaq: “Biz birlikdə qəzanın baş vermə səbəbləri və qəzadan sonra dəyən ümumi zərəri müəyyənləşdirəcəyik. Həmkarlarımızla birlikdə texniki cəhətdən araşdırma aparacaq və bir nəticəyə gələcəyik. Həmin gün komissiya üzvləri texniki akt da tərtib edəcək”.