Sənaye və energetika

Ana səhifə

Bakıda beynəlxalq neft-qaz konfransı işə başlayıb - FOTOSESSİYA

Bakıda beynəlxalq neft-qaz konfransı işə başlayıb - <font color=red>FOTOSESSİYA</font>

02 iyun 2010 10:11 (UTC +04:00)

«APA-ECONOMICS»in məlumatına görə, iki gün davam edəcək konfransa Azərbaycan Sənaye və Energetika, Ekologiya və Təbii Sərvətlər nazirlikləri və ARDNŞ dəstək verir, əsas təşkilatçı rolunda isə «Iteca Caspian» şirkəti çıxış edir.

Konfransda müxtəlif dövlətlərin yüksək səviyyəli nümayəndə heyətləri də daxil olmaqla 400-dən artıq nümayəndə iştirak edir. Konfransın proqramına Azərbaycan, Gürcüstan, ABŞ, Türkiyə və Çexiyanın sənaye və energetika nazirliklərinin nümayəndələri, iri şirkətlərin rəhbərlərinin çıxışları daxil edilib.

Tədbirdə xüsusi diqqət Xəzər hövzəsinin təbii ehtiyatlarına və Azərbaycanın tranzit imkanlarına yönəldiləcək. Konfrans «Avropanın enerji geosiyasəti və Azərbaycanın rolu» mövzusuna həsr edilmiş plenar sessiya ilə açılıb. Bu sessiyada Azərbaycanın sənaye və energetika naziri Natiq Əliyev, ABŞ dövlət katibinin Avrasiya enerji məsələləri üzrə müavini Riçard Morninqstar, Qazaxıstanın “KazMunayQaz” şirkəti İdarə Heyətinin sədri Kairgeldi Kabıldin, Türkiyənin energetika və təbii ehtiyatlar nazirinin müavini Yusuf Yazar, Gürcüstanın energetika nazirinin müavini Mariam Valişvili və digərləri məruzə ilə çıxış edəcəklər.

İkinci sessiya «Avropanın enerji təhlükəsizliyinin təminatında Xəzər regionunun rolu» mövzusunda olacaq. Sessiyanın məruzəçiləri isə ARDNŞ prezidenti Rövnəq Abdulayev, “Statoil” şirkətinin prezidenti Piter Mellbay, “OMV” şirkətinin Xəzər regional nümayəndəliyinin rəhbəri Volfhanq Şporrer, BP şirkətinin “Şahdəniz” yatağının işlənməsi üzrə vitse-prezidenti Ələsdəir Kuk və başqaları olacaq.

Konfransın ilk günü “Ətraf mühitə təsiri azaldan texnologiyalar və xidmətlər: sürətli inkişafa malik neft və qaz sənayesinin gələcəyi” mövzusunda plenar sessiya ilə yekunlaşacaq. Azərbaycanın ekologiya və təbii sərvətlər naziri Hüseynqulu Bağırov, ARDNŞ-in ekologiya üzrə vitse-prezidenti Soltan Əliyev, “Alten Group” şirkətinin icraçı direktoru Kamal Şabanov, Nobel Xeyriyyə Fondunun sədri Qustaf Nobel sessiyada məruzə ilə çıxış edəcəklər.

Konfransın ikinci günü “Xəzər regionunda kəşfiyyat və hasilat perspektivləri” plenar sessiyası ilə açılacaq. Bu sessiyada məruzəçilər ARDNŞ-in birinci vitse-prezidenti Xoşbəxt Yusifzadə, Çexiya Xarici İşlər Nazirliyinin enerji təhlükəsizliyi üzrə səfiri Vatslav Bartuşka və bir sıra şirkətlərin menecerləri olacaq.

«Xəzər regionunun qaz infrastrukturu: kəmərlərin geosiyasiliyi» mövzusunda ikinci plenar sessiyada isə əsas məruzəçi qismində ARDNŞ-in sərmayələr və marketinq üzrə vitse-prezidenti Elşad Nəsirov çıxış edəcək.