Sənaye və energetika

Ana səhifə

ARDNŞ-in Ekologiya İdarəsi təkrar emalı mümkün olan istehsalat tullantılarının satışı üçün müsabiqə elan edib

06 iyul 2010 15:03 (UTC +04:00)

Bakı. Elnur Hüseynquluyev – APA-Economics. Bu il «Ekologiya ili» elan edilməsi ilə bağlı Azərbaycan Dövlət Neft Şirkəti (ARDNŞ) tərəfindən ətraf mühitin qorunması, ekoloji təhlükəsizlik və təbii ehtiyatlardan səmərəli istifadə sahəsində praktiki fəaliyyətin ümumi istiqamətlərini müəyyən edən «Ekoloji Siyasət» sənədi təsdiq olunub.

ARDNŞ-dan «APA-Economics»ə verilən məlumata görə, sənəddə yeni fəaliyyət sahələrində ətraf mühitin ilkin vəziyyətinin qiymətləndirilməsi və ona neqativ təsirlərin minimuma endirilməsini təmin etmək məqsədilə «sıfır tullantı» prinsipinə əməl edilməsi əks etdirilib.

Hazırda ARDNŞ-in idarə və müəssisələrinin istehsalat və xidmət sahələrində əmələ gələn bir sıra tullantılar Ekologiya İdarəsinin Tullantı Mərkəzində yerləşdirilir. Həmin tullantıların bir hissəsinin təkrar emalı mümkündür. Bu məqsədlə ARDNŞ-ın Ekologiya İdarəsi, təkrar emalı mümkün olan tullantıların satışı üçün müsabiqə elan edib. Müsabiqədə yerli və xarici müəssisə və təşkilatlar, fiziki şəxslər iştirak edə bilərlər. Satışa çıxarılan tullantılar aşağıdakılardır:

S/s	Tullantının adı	miqdarı, (ton)	Dislokasiyası
1	Avtomobil şinləri	56,862	Tullantı Mərkəzi
2	Akkumulyatorlar	12,911	Tullantı Mərkəzi
3	Yağ və hava süzgəcləri	0,940	Tullantı Mərkəzi
4	Qalvanik elementlər	0,139	Tullantı Mərkəzi
5	Yüksək və az təzyiqli lüminessensiya lampalar	0,051	Tullantı Mərkəzi
6	Kompüter	0,045	Tullantı Mərkəzi
7	Printer	0,538	Tullantı Mərkəzi
8	Katriclər (toner)	0,162	Tullantı Mərkəzi
9	Sellüloz tullantılar (kağız)	6,513	Tullantı Mərkəzi

Qeyd olunan tullantıların alınması üzrə təkliflər bu ilin sentyabr ayının 1-dək Bakı şəhəri, Heydər Əliyev prospekti,113 ünvanında yerləşən ARDNŞ-in Ekologiya İdarəsinə təqdim edilməlidir.