Sənaye və energetika

Ana səhifə

Azərbaycan Dövlət Neft Şirkətinin ekoloji laboratoriyası yeni cihazlarla təchiz olunub

02 avqust 2010 08:38 (UTC +04:00)

Bakı. Rəşad Süleymanov – APA-Economics. Azərbaycan Respublikası Dövlət Neft Şirkətinin (ARDNŞ) Ekologiya İdarəsinin Kompleks Tədqiqatlar Laboratoriyası yeni cihazlarla təchiz olunub. Bu barədə «APA-Economics»ə Ekologiya İdarəsindən məlumat verilib.

Məlumatda bildirilir ki, Ekologiya İdarəsinin Kompleks Tədqiqatlar Laboratoriyasında laboratoriyaya daxil olan torpaq, su və hava nümunələrinin tədqiqi beynəlxalq standartlara cavab verən cihazlardan istifadə etməklə həyata keçirilir. Müxtəlif təyinatlı tədqiqat işlərinin keyfəyyətinin artırılması, həmçinin maddi texniki bazasının təkmilləşdirilməsi məqsədilə Laboratoriya «Agilent Technologies» şirkətinin NPD və PFPD detektorları ilə təchiz olunmuş «7890A GC System» markalı yeni nəsil qaz xromatoqrafi ilə təchiz edilib. Cihaz qaz və maye halında olan azot, fosfor və kükürd üzvi birləşmələri analiz etmək imkanına malikdir.

İdarədən bildirilib ki, Azərbaycanda yeganə olan PFPD detektoru qaz xromatoqrafından istifadə etməklə ətraf mühitə təsir edən parametrlərin, xüsusilə kükürdlü birləşmələrin dəqiq analizinin aparılması, alınan nəticələr əsasında mövcud problemlərin həllinə dair düzgün proqnozların verilməsi mümkün olacaq.