Sənaye və energetika

Ana səhifə

Meksika Azərbaycanın neft yataqlarının kəşfiyyatı sahəsindəki təcrübəsinə maraq göstərir

06 sentyabr 2010 11:56 (UTC +04:00)

Bakı. Nicat Mustafayev – APA-Economics. Bakıda səfərdə olan Meksikanın iş adamları, siyasi və biznes təmsilçilərindən ibarət olan ibarət nümayədənə heyəti bu gün Azərbaycan Sənaye və Energetika Nazirliyində görüş keçirib.

Nazirliyin mətbuat katibi Azər Mənsimlinin «APA-Economics»ə verdiyi məlumata görə, nümayəndə heytinə Meksikanın əsas avtomobil istehsalçılarından olan «DINA» şirkətinin prezidenti Raymundo Komes Flores başçılıq edib. Nümayəndə heyətinə iş adamları ilə yanaşı Meksika parlamentinin deputatları da daxil olub. Qonaqları Azərbaycanın sənaye və energetika nazirinin müavinləri Gülməmməd Cavadov və Natiq Abbasov qəbul ediblər.

Görüş zamanı Azərbaycan və Meksika arasında mövcud əlaqələr, o cümlədən sənaye və energetika sahəsində əməkdaşlıq imkanları müzakirə olunub.

Meksika tərəfi hazırda neft ehtiyatlarının sürətlə tükəndiyi, eyni zamanda yeni kəşfiyyat işlərinin aparılmadığını bildirib: «Hazırda Meksikada sutkalıq neft hasilatı 2,5 mln. barel təşkil edir ki, biz neft və neft məhsullarına olan daxili tələbatın 40%-ni idxal hesabına ödəyirik. Ölkədə əsasən benzin istehsalında ciddi problemlər müşahidə olunur».

Azərbaycanda neft yataqlarının kəşfi sahəsində böyük təcrübənin olduğunu bildirən meksikalı qonaqlar həmçinin qeyd edib ki, bu təcrübədən istifadə etmək sənaye və energetika sahəsində əməkdaşlıq etmək niyyətindədir.

Bundan başqa, Meksika tərəfi əməkdaşlığın ilk addımı kimi Azərbaycana tanker vasitəsilə neftin Meksikaya çatdırılmasını təklif edib: «Ümumiyyətlə, biz Azərbaycanla bir çox sahədə əməkdaşlıq etməkdə maraqlıyıq».

Qeyd edək ki, tanışlıq xarakteri daşıyan səfər çərçivəsində Meksikanın nümayəndə heyəti Azərbaycanın iri sənaye müəssisələrində də olub.