Sənaye və energetika

Ana səhifə

Azərbaycan Dövlət Neft Şirkəti avqustda qaz təchizatı sisteminə 868,5 mln. kubmetr qaz verib

08 sentyabr 2010 11:01 (UTC +04:00)

Bakı. Nicat Mustafayev – APA-Economics. Bu ilin avqust ayı ərzində Azərbaycan Dövlət Neft Şirkəti (ARDNŞ) ölkənin təbii qaz təchizatı sisteminə 868,364 mln. kubmetr qaz verib.

ARDNŞ-dan «APA-Economics»ə verilən məlumata görə, ay ərzində yeraltı qaz anbarlarına 221,176 mln. kubmetr mavi yanacaq vurulub. Bununla da avqust ayı ərzində 647,188 mln. kubmetr qaz istifadə olunub. Bu həcmdən sənaye, əhali və «Azərenerji» ASC-nin istifadəsinə 537,293 mln. kubmetr təbii qaz verilib, Gürcüstana 13,028 mln. kubmetr, Rusiyaya 62,743 mln. kubmetr qaz ixrac olunub, Naxçıvan MR-nın qaz təminatı üçün isə İrana 34,124 mln. kubmetr mavi yanacaq ötürülüb.

Cari ilin yanvar-avqust aylarında ARDNŞ ölkənin yanacaq-enerji balansında təbii qazın təhvili üzrə nəzərdə tutulmuş öhdəlikləri artıqlaması ilə yerinə yetirib. Belə ki, hesabat dövründə ARDNŞ ölkənin təbii qaz təchizatı sisteminə 7 484,714 mln. kubmetr qaz verib, bu da proqnozdan 666,414 mln. kubmetr və ya 9,8% çoxdur. Bundan başqa, ölkə sənayesinin, əhalinin təbii qazla tam təmin olunması və xaricə qazın ixracı ilə əlaqəli bağlanmış müqavilə öhdəliklərini yerinə yetirmək məqsədi ilə yeraltı qaz anbarlarından əlavə olaraq 638,680 mln. kubmetr mavi yanacaq götürülüb. Yeraltı qaz anbarlarına əlavə olaraq 1 051,843 mln. kubmetr qaz vurulub.

Beləliklə, 2010-cu ilin yanvar-avqust ayları ərzində 7 071,551 mln. kubmetr qaz istifadə olunub. Bu həcmdən sənaye, əhali və «Azərenerji» ASC-nin istifadəsinə 6 036,461 mln. kubmetr təbii qaz verilib, Gürcüstana 233,010 mln. kubmetr, Rusiyaya 557,391 mln. kubmetr qaz ixrac olunub, Naxçıvan MR-nın qaz təminatı üçün isə İrana 244,689 mln. kubmetr mavi yanacaq ötürülüb.