Sənaye və energetika

Ana səhifə

Avropa Birliyi: Transxəzər qaz boru kəmərinin inşası lazım olmaya bilər

01 dekabr 2011 11:14 (UTC +04:00)

Ola bilər ki, onun tikintisi heç lazım da olmasın”. “APA-Economics”in məlumatına görə, bunu Avropa Birliyinin (AB) enerji məsələləri üzrə komissarı Günter Ottingerin sözçüsü Marlen Holtsner (Marlene Holzner) “Deutsche Welle” radiosuna müsahibəsində deyib.

AB rəsmisi “Nabucco” boru kəməri layihəsinə münasibətdə artıq müəyyən şübhələrin olduğunu da etiraf edib: “Son nəticə etibarilə hansı layihənin baş tutacağını mən bilmirəm. Bu, ilkin variantda nə “Nabucco”, nə də TAP ola bilər. Bu, iki layihəni birləşdirən ortaq bir layihə də ola bilər”.

Xanım Holtsner qeyd edib ki, əgər “Şahdəniz” qazı Avropaya mövcud borular şəbəkəsi vasitəsilə nəql olunarsa, o halda AB Transxəzər layihəsində israr etmək niyyətində olmayacaq.

Almaniyanın “Deutsche Welle” radiosu isə “Nabucco” boru kəməri layihəsinə dair reportajında bu bahalı layihənin getdikcə Aİ-nin siyasi dəstəyini itirdiyini qeyd edib.

Qeyd edək ki, Avropa Birliyinin Şurası bu il sentyabrın 7-də Transxəzər qaz kəmərinin tikintisinin hüquqi bazasına dair Azərbaycan və Türkmənistanla danışıqların aparılması üçün Avropa Komissiyasına mandat verib. Transxəzər qaz kəməri layihəsi 7,9 mlrd. avro həcmində qiymətləndirilir. Layihə Azərbaycan və Türkmənistan qazının Avropa ölkələrinə nəqlini nəzərdə tutur. Tengiz (Qazaxıstan) - Türkmənbaşı (Türkmənistan) - Bakı (Azərbaycan) - Tiflis (Gürcüstan) - Ərzurum (Türkiyə) marşrutu ilə ildə 20-30 mlrd. kubmetr qazın nəql olunması planlaşdırılır.

“Nabucco” qaz kəməri Xəzər regionundan təbii qazın Rusiyadan yan keçməklə Azərbaycan, Gürcüstan, Türkiyə, Bolqarıstan, Macarıstan, Rumıniya və Avstriya vasitəsilə Mərkəzi Avropaya ixracı üçün nəzərdə tutulub. Bu məqsədlə yaradılan “Nabucco Gas Pipeline İnternational GmbH.” konsorsiumuna OMV (Avstriya), MOL (Macarıstan), “Transgaz” (Rumıniya), “Bulgargaz” (Bolqarıstan), “BOTAŞ” (Türkiyə) və RWE (Almaniya) şirkətləri qoşulub. Tikintisinə 2012-ci ildə başlanacaq «Nabucco» qaz kəməri ilə Azərbaycan qazının nəqli 2017-ci ildən gözlənilir. Nəqletmə gücü ildə 31 mlrd. kubmetr olan kəmərlə Azərbaycanla yanaşı, Türkmənistan və İraq qazının da daşınması planlaşdırılır. Layihənin dəyərinin 1/3-i səhmdarlar tərəfindən, qalan hissəsi isə maliyyə-kredit təşkilatları tərəfindən maliyyələşdiriləcək. İtaliya bəstəkarı Cüzeppe Verdinin 1842-ci ildə yazdığı operanın personajı Babil kralının adı ilə adlandırılan boru xəttinin uzunluğu 3 300 km olacaq.