İndiyədək Azəri-Çıraq-Günəşli yatağı üzrə toplanan seysmik məlumatların ümumi həcmi 750 terabayta çatıb və artıq bir petabayta yaxınlaşırıq.
“APA-Economics” xəbər verir ki, bu barədə bp-nin Xəzər, Mərkəzi Asiya və Türkiyə regionunda geologiya və işlənmə üzrə vitse-prezidenti Dan Sparks bildirib.
“AÇG yetkinləşdikcə, ilkin laydan neftin böyük hissəsini hasil etdikcə və digər, daha mürəkkəb laylara keçdikcə geoloji məlumatlara yenidən qayıtmalı və onları daha detallı miqyasda təhlil etməli oluruq. Bunun üçün məlumatların toplanmasına böyük həcmdə investisiyalar yatırmaq lazım gəlir.
Bu iş SOCAR ilə birgə həyata keçirilir və nəticələri, həqiqətən də, möhtəşəmdir. Əldə etdiyimiz nəticələr gözləntilərimizi xeyli üstələyib”,- o qeyd edib.
Vitse-prezident vurğulayıb ki, layın təsvirinin yaradılması məqsədilə hər il təxminən 250 terabayt həcmində məlumat əldə edilir: “Bu seysmik investisiyanın miqyasını daha aydın təsəvvür etmək üçün bir məqamı qeyd edim: layın təsvirinin yaradılması məqsədilə hər il təxminən 250 terabayt həcmində məlumat əldə edirik. İndiyədək bu məlumatların ümumi həcmi 750 terabayta çatıb və artıq bir petabayta yaxınlaşırıq”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
