Bakı. Aynur Əliyeva – APA-Economics. Azərbaycanda yeni yaradılan metanol zavodu (AzMeCo) Sumqayıt Sənaye Parkı ilə birgə formaldehid qazının istehsalını həyata keçirməyi nəzərdə tutub. Məhz bunun əsasında Azərbaycanda ağac-yonqar lövhələrinin istehsalını reallaşdıracaq fabrik yaradılacaq. Bu fabrikin işə düşməsi isə öz növbəsində ölkədə mebelin qiymətinin ucuzlaşmasına gətirib çıxaracaq. Bu barədə «APA-Economics»ə Azərbaycan Metanol Şirkəti (AzMeCo) Direktorlar Şurasının sədri Nizami Piriyev bildirib.
Onun sözlərinə görə, hazırda Azərbaycan bu cür materialları Rusiya, Türkiyə kimi ölkələrdən alıb gətirməli olur: «Bu bizə baha qiymətə gətirilir, təxminən 35-38 manata başa gəlir. Yerli fabrikimiz olandan sonra isə bu cür lövhələrin qiyməti bizə 22-25 manata başa gələcək».
N.Piriyev əlavə edib ki, Azərbaycanda ağac-yonqar lövhələrinin istehsalı ilə bağlı dünyanın ən iri şirkətləri ilə birgə müəssisənin yaradılması planlaşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
