Bakı. Real Cəfərli - APA. Neft İxrac edən Ölkələr Təşkilatı (OPEC) növbəti aylıq hesabatını açıqlayıb.
APA-nın “Radiofərda”ya istinadən məlumatına görə, sənəddə bildirilir ki, İranın neft hasilatı azalmaqda davam edir: “Bu ilin avqust ayında İranın neft hasilatı gündəlik 2 mln. 683 min barel olub. Bu da iyul ayı ilə müqayisədə 7 min barel azalma deməkdir. Eyni zamanda İranın neft hasilatı 2011-ci illə müqayisədə gündəlik 950 min barel azalıb”.
Hesabatda həmçinin deyilir ki, OPEC-ə üzv ölkələrin gündəlik neft hasilatı avqust ayında gündəlik 30 mln. 234 min barel olub və bu da iyul ayına nisbətən 124 min barel azalma deməkdir. OPEC-in neft hasilatının düşməsi Liviyanın neft hasilatının gündəlik 477 min barel azalması səbəbindən baş verib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
