Bakı – APA. Türkiyənin cənub-şərqindəki Van vilayəti ərazisində baş verən yol qəzasında 3 əsgər ölüb. APA-nın Türkiyə xəbər agentliklərinə istinadən verdiyi məlumata görə, fevralın 8-nə keçən gecə Vanın Saray rayonunun İran sərhədində yerləşən Karahisar kəndi yaxınlığında əsgərləri daşıyan hərbi avtomobil yolun buzlu olması səbəbindən aşaraq uçuruma yuvarlanıb. Nəticədə 3 əsgər ölüb, 18-i yaralanıb.
Hadisə yerinə təcili yardım maşınları və xilasedicilər göndərilib. Yaralılar Vandakı xəstəxanaya çatdırılıb. Onların vəziyyətinin qənaətbəxş olduğu bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
