Bakı – APA. Sentyabrın 6-da Azərbaycan prezidenti İlham Əliyevin adından Nizami Gəncəvi Beynəlxalq Mərkəzi və Madrid Klubunun Yüksək Səviyyəli Hazırlıq Görüşünün iştirakçılarının şərəfinə nahar verilib.
APA-nın məlumatına görə, nahara Latviyanın keçmiş Prezidenti Vayra Vike-Freyberqa, Bolqarıstanın sabiq prezidenti Peter Stoyanov, Boliviyanın keçmiş prezidenti Corc Quiroqan, Mavrikiyanın sabiq prezidenti Cassam Uteem, Şri-Lankanın keçmiş prezidenti Çandrika Kumaratunqan, Madrid Klubunun prezidenti, Niderlandın keçmiş baş naziri Vim Kok, İsgəndəriyyə Kitabxanasının direktoru İsmail Serageldin və digərləri qatılıb.